ლოცვა არის გაშლილი ხელი ღვთის მადლის მისაღებად.

ლოცვა არის გაშლილი ხელი ღვთის მადლის მისაღებად.



ძველის ნოსტალგია მომეძალა...

წლები და ჭაღარა მემატება,

აღარ ვარ ლაღი და მხიარული.

ზოგჯერ კი ბავშვობა მენატრება,

ცალ– ცალი ქოშებით სიარული.


ძველის ნოსტალგია მომეძალა,

გული ვეღარ გულობს–დაღდასმული.

ღმერთო, გადარჩენის მომეც ძალა

ღმერთო, დამიბრუნე გარდასული...



ადექი

ადექი

***

ისევ ჩაიმუხლე?

ეს არაფერია,

მოუხმე, მოუხმე ოცნებებს ფრთამალებს,

შენ უნდა წამოდგე, სხვა გზები გელიან,

ადექი! იარე!

ცხოვრება გავალებს.


ადექი!

ვინ შეჰკრავს საშენო კამარებს,

ზიზღში არ დაჰკარგო წამი გოდებისა,

ადექი, ცხოვრება კიდევ ბევრს გავალებს,

ჰქმენ ტოლი სიკეთე, შენივ ცოდვებისა.


და რადგან გახვედი წარსულის სახლიდან

ნელ_ნელა უთუოდ გადიხდი სხვა ვალებს...

ადექი!

დაიწყე თავიდან ახლიდან,

ადექი!

იარე!

ცხოვრება გავალებს!


/ ნანა მეფარიშვილი /



- ცრემლის წონას თუ მეტყვი?

"- ცრემლის წონას თუ მეტყვი?

- გააჩნია, ვისი ცრემლია. ჭირვეულისა ნიავზე მსუბუქია, მშიერი ბავშვისა კი მთელ დედამიწას აიწონის."...



როდესაც კარგავ ყოველგვარ იმედს, ღმერთი გიგზავნის რაღაც ისეთს, რასაც შენ არაფრით ელოდები...

როდესაც კარგავ ყოველგვარ იმედს, ღმერთი გიგზავნის რაღაც ისეთს, რასაც შენ არაფრით ელოდები... საჭიროა მხოლოდ გწამდეს და გიყვარდეს უფალი. ისევე, როგორც მას ვუყვარვართ და ზრუნავს ჩვენზე!



იმ ქართველ კაცს გაუმარჯოს, ღალატს რომ არ იკადრებს,საიმედო მამად,შვილად და მეზობლად ივარგებს....

იმ ქართველ კაცს გაუმარჯოს, ღალატს რომ არ იკადრებს,საიმედო მამად,შვილად და მეზობლად ივარგებს...
სადღეგრძელოები - sadgerdelo



იგავი სიყვარულზე

იგავი სიყვარულზე


უძველეს დროში არსებობდა ერთი კუნძული, სადაც ყველა გრძნობა ცხოვრობდა ერთად და მათ შორის იყო სიყვარულიც.

ერთ დღეს კუნძულმა ჩაძირვა დაიწყო. გრძნობებმა ნავების აგება დაიწყეს, რათა კუნძულიდან გაქცეულიყვნენ, მაგრამ ერთმა მათგანმა ვერ მოასწრო აეგო ნავი და ეს ერთი გრძნობა სიყვარული აღმოჩნდა...

სიყვარული ერთადერთი იყო, იმ გრძნობებს შორის, რომელიც კუნძულზე დარჩა. მას სურდა, რომ დარჩენილიყო თავის მშობლიურ მიწაზე მანამ სანამ ეს შესაძლებელი იქნებოდა, მაგრამ როდესაც შეატყო, რომ კუნძული თითქმის უკვე ჩაიძირა სიყვარულმა სხვა გრძნობებს სთხოვა დახმარება.

ამ დროს მის გვერდით სიმდიდრემ გაიარა თავისი ნავით. სიყვარულმა მას უთხრა:

- სიმდიდრევ, შეგიძლია თან წამიყვანო?

სიმდიდრემ უპასუხა:

- არ შემიძლია, მეგობარო. იმდენად ბევრი ოქრო-ვერცხლი მაქვს ნავზე, რომ შენს ადგილს ნამდვილად ვერ გამოვნახავ...

მაშინ სიყვარულმა გადაწყვიტა ქედმაღლობისათვის ეთხოვა დახმარება და უთხრა:

- ქედმაღლობავ, გთხოვ დამეხმარე . . .

- ვერ დაგეხმარები ჩემო კარგო, სველი ხარ და ჩემს მშვენიერ ნავში ასეთს ვერ ამოგიშვებ - უპასუხა ქედმაღლობამ.

სიყვარული იმედს მაინც არ კარგავდა, როცა მის გვერდით სევდამ ჩამოიარა. და სიყვარულმა უთხრა სევდას:

- ჩემო მეგობარო, გთხოვ თან გამიყოლე?

მაპატიე სიყვარულო, ძალიან დამწუხრებული ვარ და მარტო ყოფნა მსურს - უპასუხა სევდამ მას.

შემდეგ ბედნიერებამ ჩამოიარა თავისი ნავით, თუმცა იმდენად ბედნიერი იყო იმ ფაქტით, რომ გადარჩა ვერც კი გაიგონა სიყვარულის ხმა.

სიყვარულს უკვე ყველა იმედი გადაწურული ჰქონდა, როდესაც მოულოდნელად სანატრელი ხმა მოესმა :

- სიყვარულო, მე შემიძლია წაგიყვანო თან . . .

სიყვარული მიტრიალდა მისკენ და მან ერთი უხუცესი დაინახა - წვერებით შემოსილი და მხრებში მოხრილი . . .

უხუცესმა სიყვარული თავის ნავზე აიყვანა, სამშვიდობოს მიაცილა, იქ დატოვა და შემდეგ კი თავისი ნავით გაუჩინარდა.

სიყვარული ხვდებოდა, თუ როგორი დავალებული იყო იგი მისი გადამრჩენელისაგან, უნდოდა მადლობა მოეხადა, თუმცა არ იცოდა, თუ ვინ იყო უხუცესი სინამდვილეში.

მაშინ სიყვარულმა ცოდნას ჰკითხა:

- ვინ იყო ის უხუცესი ვისი წყალობითაც მე დღეს ცოცხალი ვარ?

- ეს დრო იყო - უპასუხა მას ცოდნამ.

- დრო? - გაიკვირვა სიყვარულმა. და მაინც რატომ უნდა დამხმარებოდა იგი?

ცოდნა რამოდენიმე წამით დაფიქრდა და წრფელი ღიმილით უპასუხა მას:

მხოლოდ დროს შეუძლია დააფასოს სიყვარული.



რაც კი გხვდება ცხოვრებაში, ყველა ადამიანი და ყველა ქვა, ფეხწამოსაკრავი, შენი მასწავლებელია

"გვიან მივხვდი, რომ მტრები არ არსებობენ საერთოდ, გვიან მივხვდი...

 მეც ისე  ვეჩხუბებოდი ყველას, როგორც მეჩხუბებოდნენ, ისევე ვლანძღავდი, როგორც მლანძღავდნენ.

 გვიან მივხვდი, რომ ეს მტრები კი არ არიან, შენი მასწავლებლები არიან; ფეხი რომ დაგიდო,იმას კი უნდა რომ ცხვირ-პირი დაიმტვრიო, მაგრამ შენ რომ წაიქეცი, გაკვეთილი გამოიტანე აქედან: სხვა დროს როგორ გაიარო, ვის შეეხო, ვის არ შეეხო, ვის გვერდი აუქციო - გაკვეთილი გამოიტანე! 

 რაც კი გხვდება ცხოვრებაში, ყველა ადამიანი და ყველა ქვა, ფეხწამოსაკრავი, შენი მასწავლებელია."

🔸 აკადემიკოსი შალვა ამონაშვილი



ბედნიერი და თავისუფალი მაშინ ხარ, როცა...

"ბედნიერი და თავისუფალი მაშინ ხარ, როცა რასაც ფიქრობ, რასაც ამბობ და რასაც აკეთებ ერთმანეთთან ჰარმონიაშია."

- მაჰათმა განდი



გამონათქვამები - ფაინა რანევსკაია

“არიან ადამიანები, რომლებთანაც გინდება მიხვიდე და ჰკითხო: რთულია ტვინის გარეშე ცხოვრება?”

- ფაინა რანევსკაია