ბუნინი ივან - სიხარულის დღეებსაც

სიხარულის დღეებსაც მარტო ვხვდები შორეთში,
ჩრდილოეთში... თქვენთან კი გაზაფხული სუნთქავს:
თოვლი გალღვა მინდვრებში, წყალი ჩადგა ფორებში,
ამწვანებულ მდელოებს მზის სხივები თუთქავს.

მორცხვად იცვამს არყის ხე ზურმუხტისფერ კაბას,
ღრუბლის თეთრი ქულები ცას ეკვრიან თითქოს.
ქარი ბაღში ხის რტოებს ერთმანეთზე აბავს,
დგას აპრილის დღეების საამური სითბო.


მთარგმნელი გულეური ვასილ