ივან ბუნინი - შევხვდით შემთხვევით

შემთხვევით შევხვდით, სულ რაღაც წამით,
მოვიჩქაროდი წვეულებიდან,
და თითქოს ელვა გამოკრთა ღამით,
კუპრივით შავი წამწამებიდან.

აუფრიალდა მანდილი ქარში,
ჰაეროვანი, როგორც ოცნება,
და შევამჩნიე სახეზე მაშინ
მას უწინდელი გამოცოხლება.

ალერსიანად დამიკრა თავი,
სასაყვედურო სიტყვაც არ მითხრა.
მივხვდი, როდესაც შევავლე თვალი,
რომ მაპატია და −დამივიწყა

მთარგმნელი ხომერიკი ბესო