ქეთი ალასანია - მახსოვს, ვამბობდი არაფერი არ არის გვიან



მახსოვს, ვამბობდი არაფერი არ არის გვიან,
მზის ათინათად, ხელმეორედ დავიბადები,
რომ, შემოდგომით, მაისის ვარდს ავაყვავებ და
სიყვარულისთვის, კიდევ ერთხელ,დავიხარჯები,
შენს მოლოდინში, ზეცა მათოვს მაისის ვარდებს
იმედით სავსე, მათ სურნელში გავიფანტები,
განთიადისას ჩამოვკრიფავ მზის სხივებს ციდან
და ვნებით სავსე შენს ბაგეებს დავეწაფები,
უკვე ახდენილ, ჩემს ოცნებებს სულ შენ გაჩუქებ,
მერე შენს მკერდში, განაბული, დავიმალები,
მე გპირდებოდი, ჩემსკენ სავალ გზას თუ ნახავდი,
რომ უეჭველად, მთელი გულით, შეგიყვარებდი,
სიზმარი ცხადად ამიხდება, როცა მომძებნი,
როდესაც შენი, სიყვარულის ნატვრა, გავხდები,
ბედნიერებას ჩავიხუტებ შენს გულთან ერთად
და შენი ბაგის კუთხეებში დავიკარგები,
იცი?
მზის სხივზე ჩამომჯდარი, ახალ ზღაპარს ვწერ,
მსურს მივახატო, ზღაპრულ ზეცას, შენი თვალები,
სუნთქვის შეკვრამდე ჩაგეხუტო, ჩემად გიგულო
და სასთუმალთან მიმოვფანტო თეთრი ვარდები...

05.06.15.

/ქეთი ალასანია/



Loading...

ტექსტის სანახავად გაიარეთ რეგისტრაცია.