ქეთი ალასანია - პეშვში ვაგროვე ოცნებები



პეშვში ვაგროვე ოცნებები, წყაროს წყლის ნაცვლად,
გულით მოგართვი, მაგრამ მივხვდი, რომ არ გჭირდება,
მე მათთან ერთად მოგიტანე ის სიყვარული,
რომლის გარეშეც არსებობა გამიჭირდება,
შენი ხელიდან, შხამსაც შევსვავ, იმის იმედით,
რომ შენს მკლავებში, სიყვარულით გამეღვიძება,
და თუ სიცოცხლე დამანათლავს შენს ბაგის სურნელს,
ისიც მეყოფა, სხვა სიმდიდრე არ დამჭირდება,
გინდა?
ოცნების ფრთებს გაჩუქებ და იქ გავფრინდეთ,
ბედნიერება, სადაც მართლა, უხვად იღვრება,
სადაც სიცოცხლეს არ ერევა სიყალბის ფერი,
სადაც, მზის სხივი, სიყვარულზე ზღაპარს მიყვება,
ნეტავ შემეძლოს, სამუდამოდ, რომ ჩაგეხუტო
და ჩამჩურჩულო, ჩემი გული, შენც რომ გჭირდება,
მინდა მითხრა, რომ არასოდეს გამიშვებ შენგან,
რომ უჩვენობა, შენც ჩემსავით, გაგიჭირდება,
ფრთმოტეხილი ოცნებიდან, უკან ვბრუნდები,
არ წვიმს, უბრალოდ, ზეცის გული ცრემლად იღვრება,
ზმანებად ქცეულს გეხუტები სიზმრის ბილიკზე
და აღარ მინდა, დამიჯერე, გამოღვიძება...

13.08.15.

/ქეთი ალასანია/



Loading...

ტექსტის სანახავად გაიარეთ რეგისტრაცია.