ქეთი ალასანია - მე შენს სიყვარულს ჩავიკრავ და გზად დავადგები

მე შენს სიყვარულს ჩავიკრავ და გზად დავადგები,
მომეხვევიან, ოცნებებში, შენი ხელები,
ბედნიერებას, ჩემს ბილიკზე მართლა არ დავთმობ,
და უშენობას, არასოდეს, არ შევეჩვევი,
სულში დავმალე სიყვარული, მაშინ გაჩუქებ,
როცა ჩემს გზაზე, მომღიმარი ისევ შემხვდები,
ჩუმად გავყვები შემოდგომის, დაგრეხილ, ბილიკს,
იმ იმედით, რომ შენს გარეშე არ დავბერდები,
მიყვარხარ ჩემო, სანატრელო, ტკბილო სიცოცხლე
და უშენობას, დამიჯერე, არ დავნებდები,
მე სიყვარულით სავსე გული შენ დაგიტოვე,
ახლა მივდივარ, იმედით, რომ მალე შეგხვდები...

ქეთი ალასანია