გახსოვს? ერთხელ,ერთმა ქალმა
შენი გული დაიპყრო,
იმ ქალს,კარგო, ისევ ახსოვს
ჩვენში დღემდე რაც იყო,
სიყვარულის ცრემლი წვიმდა,
ახლა რამ აგვატიროს,
წახვედი და დარდისაგან
გული ორად გაიპო.
გახსოვს? მეჩურჩულებოდი,
მხოლოდ, არვინ გაგვიგოს,
მიყვარხაროო..მაგრამ ქარმა
ექო სადღაც წაიღო,
იქნებ, ჩემი არც კი იყავ,
იქნებ არცარა იყო,
იქნებ, გზები ნატახტართან,
სწორედ ამ დროს გაიყო?!
ნანა სელეპანოვა - იქნებ
