იქნებ და, უცხო ჩიტი ვარ,
შენს გულში შემოპარული,
იქნებ და, კოცნის გიჟი ვარ,
შენს ბაგეს გადამალული.
გინდა, ჩიტივით მოვფრინდე?
გინდა, ჩიტივით მიყვარდე?
შენ რომ ფრთებს დამიკოცნიდე,
მეც ტკბილად ჩაგინისკარტებ.
მე არც ბეღურა არა ვარ,
არც კოცნის გიჟი არ ვარ,
ერთი ნამცეცა ქალი ვარ,
დარდებს ღიმილით ვმალავ.
ან იქნებ, სიყვარული ვარ,
სადღაც, რომ გადაგეკარგე,
იქნებ და, ბედისწერა ვარ,
შენ რომ ღმერთს გამოეცადე.
გინდა? სიყვარულს წაგართმევ
და გაპოვნინებ კვლავ,
მაგრამ ღმერთი,ხომ არ გვართმევს,
ბედით,რაც წილად გვხვდა.
არც სიყვარულით მთვრალი ვარ,
არც დაკარგული ვარ,
შენთვის მე დედოფალი ვარ,
სხვისთვის ნამცეცა ვარ.
ნანა სელეპანოვა - იქნებ და
