ალბათ არ არის არაფრის ღირსი,
უმთავრეს კანონს ვინც არ დაიცავს,
ქოხი უნდოდა ჰქონოდა ისლის,
რომ აღარ ეგრძნო თავი პატიმრად.
ხატვა არ იცის და ფუნჯებს ითვლის,
თმას შეიღებავს ალბათ ჩალისფრად,
მერე მაგნიტურ მზერით ჩაივლის,
თავზე გვირილის გვირგვინს დაიდგამს.
დადის ქალშავა და ასე ივლის,
სანამ ბავშვივით ფეხს არ აიდგამს,
ფარვანასავით ცეცხლისკენ ილტვის,
რომ კიდევ ერთხელ ცეცხლში დაიწვას.
ნანა სელეპანოვა - ასე ივლის
