ლია ფანჩულიძე - დამთამაშობს ქარი თმებში

დამთამაშობს ქარი თმებში.
ჩრდილი ფეხში მებლანდება.
მწყერის სუნთქვა ახლოს მესმის.
მზე გორებში მემალება.

და მხვდებიან თავის დაკვრით:
დაბლით ძუსა, მაღლით გორა
და თავისთან მელოდება.
ეს სოფელი ვარდიგორა.

პეპლებს მოდის კვირეული გაუმართავთ
და კარები ჩაუკეტეს ფუტკრებს სკებმა.
მერცხლებს ხვდება გაზაფხული.
კვირტი უცქერს,შურით სკდება.

შაშვი ძვრება ღობე-ღობე.
კუს ნაბიჯი დაუთვლია.
ძველი ბუდე მერცხლებს ელის.
პეპლებს თავი დაუთვრიათ.

ლია ფანჩულიძე