განაჩენი (ganacheni)
სიტყვა კი არა, ლოდი დამეცა
გულზე, მკერდში რომ ისევ ფეთქავდა.
არაფერია. მე ხომ ვიცოდი,
რომ ეს ტკივილი ვერ გამტეხავდა.
დღეს საქმე მელის აუარება:
წარსული უნდა ბოლომდე ჩავკლა
უნდა ვუბრძანო სულს გაქვავება,
მერე ავიდგა ფეხი ხელახლა.
გარეთ სხვა დღეა... ცხელი ზაფხული
ზეიმის სხივებს ფანჯრებზე მაყრის.
ამ კადრს წინასწარ ხედავდა გული:
ნათელი დილა – დაცლილი სახლი.
