– მე არ მოვალ –
თუ ეგრეა
ნუღარ მომიკითხავ,
ეს მძივები შეკვრად აიკინძა,
მე შევეშვი შენზე ღამით ბოდვებს
ეს სიზმრები ჩვენ ორს შორის დარჩეს ..
შემიყვარდი, – შენ იოლად დამთმე,
ცივ ოთახში კუთხეს მიმაჯაჭვე,
ავედევნე ქარიშხლების მორევს,
მზე და მთვარემ გამოკეტეს ღამე..
გარიჟრაჟსაც ჩაუცმია თალხი,
პეშვით ღვინოს ეზიდება ხალხი,
გადაეცით – აღარ მოვალ არა,
თუნდაც ჩემი, ფიცი ოდეს გატყდეს..
მერაბ სალუქვაძე – მე არ მოვალ –
