მერაბ სალუქვაძე – მინდა ერთად ვიყოთ



– მინდა ერთად ვიყოთ

დღეს ჩემთან ხარ,
დაბადებიდან მე შენსკენ ვილტვი,
გიყურებ თვალში,
ანათებ
იწვი
სინათლეს აფრქვევ,
ჩემს დაღლილ მკლავებს
შენი სითბო ალერსი უნდა,
დღეს ერთად ვართ,
ხვალ
შეიძლება სიშორე დარჩეს..
ბნელია ღამე,
ბნელია
ისევ უშენოდ,
ეს სევდა დარდი ძარღვებში აღწევს..
შენმა მონატრებამ!
ცივი კალთა გადამაფარა..
წვიმის წვეთები
როკავს ჩემს ფანჯრებთან,
თითო წვეთი იცოდე
ცრემლია ჩემი..
თენდება ღამე,
თენდება და
გარიჟრაჟზე მოვრბივარ შენსკენ!
ნუთუ ვეღარ გრძნობ,
ნამგალა მთვარე გზებს მინათებს
და შენსკენ ვილტვი,
როგორ დაგეძებ!
როგორ დაგეძებ!
დარში, ავდარში,
მაგრამ,
რატომღაც იმ დღის შემდეგ
ვერსად ვერ გნახე..



Loading...


თეგები: დღეს ჩემთან ხარ

ტექსტის სანახავად გაიარეთ რეგისტრაცია.