ქეთი ალასანია - შენ რომ შემთხვევით ჩამიარე, მე შეგამჩნიე



შენ რომ შემთხვევით ჩამიარე, მე შეგამჩნიე,
შენამდე მოსვლა გამიჭირდა გრძნობისგან დაცლილს,
არ მახსოვს, მგონი დაგიძახე, ვერ გაგაგონე,
ვიცი, ტკივილებდათოვლილი სიცოცხლე დამღლის,
მეც თავდაღმართზე მივუყვები დაბრეცილ ბილიკს,
წინ რომ ნისლია, დაუნდობლად, ჩემს ცრემლებს დათვლის,
იცი, სიზმარში გამიღიმა შენმა ზმანებამ,
მე კი ფიქრებში დავემალე ოცნების აჩრდილს,
სახეზე როცა დამეტყობა წლების სიმუხთლე,
გამახსენდება ცრემლებით და ფიქრებით დაღლილს,
როგორ მიყვარდა ერთი ბიჭის სუნთქვის სურნელი,
ამ ფიქრებში კი სულთან გაყრის დრო წამებს დათვლის...

/ქეთი ალასანია/

08.05.14.



Loading...

ტექსტის სანახავად გაიარეთ რეგისტრაცია.