ქეთი ალასანია - უფალო გესმის



უფალო გესმის?
ეს მე გაწუხებ,
უკიდეგანოდ ცოდვილი ქალი,
მთვარის ნათელში ვფიქრობ და მტკივა,
მხრებზე რომ მაწევს ის მძიმე ჯვარი,
უფალო გთხოვ, რომ ჩემს სულს ჩახედო,
სადაც შემორჩა ცრემლების კვალი,
ხედავ?
ვერაფრით ვერ გავისტუმრე
სიყვარულის და სიმშვიდის ვალი,
ლოცვად ქცეული ღიმილი გახსოვს?
ვგრძნობ ამ ღიმილსაც მომტაცებს ქარი,
ღმერთო მაღალო, გთხოვ გადმომხედე,
ვედრებას ვბედავ ცრემლებით მთვრალი,
იცი?
გზად შემხვდა ის სიყვარული,
რომლის ურჩ გულსაც, არ ჰქონდა კარი,
შენამდე მოსვლა ძალიან მიჭირს,
უკან კი რჩება ტკივილის კვალი,
ბევრი რამ დამრჩა კიდევ სათქმლი,
მე სიყვარულის შემომრჩა ვალი,
უნდა ვიჩქარო, თორემ მომავალს,
კვლავ მოიტაცებს წარსულის ქარი,
ანგელოზის და დემონის ბრძოლას
არ მოუხუჭავს არასდროს თვალი,
ლოცვად გავედრებ მე ჩემს სიყვარულს,
უცოდველი და ცოდვილი ქალი...

15.08.14.

ქეთი ალასანია



Loading...

ტექსტის სანახავად გაიარეთ რეგისტრაცია.