ქეთი ალასანია - თეთრ ცეკვას გთავაზობ



თეთრ ცეკვას გთავაზობ, ღამით, მთვარის შუქზე,
მინდა, რომ გამომყვე, უარი არ მითხრა,
ვარსკვლავი ცას მოსწყდა, ნატვრა ჩავიფიქრე,
იცოდე, უშენოდ, ეს ნატვრაც არ მინდა,
იცი?
ჩვენს ქუჩაზე ვერხვები გაცოცხლდნენ
და გზის გასაყართან უდროოდ გაწვიმდა,
ნიავი თმებს მიშლის და შენს მოლოდინში,
ზეცისფერ თვალებში, ტკივილი ატირდა,
თეთრ ცეკვას გთავაზობ, გთხოვ ხელი მომეცი,
მხოლოდ შენ მჭირდები, უშენოდ არ მინდა,
შტრაუსის მუსიკა როცა დამთავრდება,
მიხვდები უჩემოდ სიცოცხლე არ ღირდა,
იცი,რომ ვერხვები უჩვენოდ ტირიან?
შენს მოლოდინში კი ეს გული გაცივდა,
როცა მოგიხმობდი, შენ ვერ შემამჩნიე
და ამასობაში ცხოვრებაც გავიდა,
ვეღარ დაიბრუნებ იმას რაც დაკარგე,
ხომ ხედავ, ცის გულში უდროოდ გაწვიმდა,
ოცნებას ხელს ვუშვებ, უფრსკულში ვეშვები,
რადგანაც უშენოდ სიცოცხლე არ მინდა...

/ქეთი ალასანია/

12.05.15.




Loading...

ტექსტის სანახავად გაიარეთ რეგისტრაცია.