– მონატრება –
მოგონებების ტკივილის გამო,
განსაკუთრებულ ცრემლების გამო,
დაუბრუნებელ იმედის გამო
ვიღვიძებ ღამით,
ვდგები ლამფის შუქზე,
ვშლი სტრიქონ–სტრიქონ
დაწოლის წინ დაწერილ ბარათს,
რომელსაც ერქვა მონატრება
უკანასკნელი...
მოურჩენელი ტკივილის გამო,
არშეხორცებულ ჭრილობის გამო,
არაუხსნელი სიყვარულის გამო
თენდება დილა
და მივუყვები დანისლულ ბილიკს
თავჩაღუნული..
მერაბ სალუქვაძე - მონატრება
