ნინო ახალაშვილი - მე არ ველი წასულს



მე არ ველი წასულს,
დაბრუნებას მისას...
არა! მე ის არ მსურს,
ვინც წავიდა სხვისას...
თუ წავიდა, დაე,
გზები მშვიდად განვლოს...
მე არ ვუცდი, ჩემგან
უმიზეზოდ წასულს...
აღარ მინდა მეტი,
გულგრილობის სენი...
გერქვას ჩემი ბედი
და ვსუნთქავდე შენით...
ველი, იმას ალბათ,
ვინც ჯერ არ მოსულა.
რაც ოდესღაც დაჭკნა,
ისევ ამოსულა...
მე არ ველი წასულს,
დაბრუნებას მისას...
არა, მე ის არ მსურს,
ვინც წავიდა სხვისას...

/ნინო ახალაშვილი/



Loading...

ტექსტის სანახავად გაიარეთ რეგისტრაცია.