ჩემგან წასულს გაგაცილებს წვიმა



ჩემგან წასულს გაგაცილებს წვიმა..

ისლის სახლში დაიბუდებს ქარი..

წლები გზებზე ფოთლებივით გცვივა..

და ღრუბლებთან გელოდება ქმარი..

ჩემგან წასულს ვერ გიშველის ლოცვა,,

მიყვარს შენი ბინდისფერი თმები

და ღმერთივით მენატრები როცა

მაგ დალალთა აჩრდილებით ვთბები..

ჩემგან წასულს უმწეობა გიცავს,

გარდასულ დღეს სინანული ახლავს,

გამჭირვალე ქუჩად იქცა მიწა

და შეყოვნდი შენს საკუთარ სახლთან..

ჩემგან წასულს ცოდვის მადლი გაგყვა..

ქალზე უფრო მხიბლავს შენში ბავშვი!

ერთს გთხოვ-ცრემლით დაიბანე სული

და ჩემსავე ხელისგულზე გაშრი..












Loading...

ტექსტის სანახავად გაიარეთ რეგისტრაცია.