ჭავჭავაძე ილია - Chavchavadze Ilia

👍 4.5

👎 -2.5

⏱️ 1 წთ. 👁️ 3 448

100%

ციური ხმები

ციურნი ხმები —

ეგ საკვირვლები,

როს მომესმიან,

მსწრაფლ მომითხრობენ,

საიდამ სრბიან

და სად სცხოვრობენ,

და ნელს სიხარულს

მიგალობებენ.

ციურნო ხმებო,

ოჰ, საკვირვლებო!

მეც ქვეყნის ხმითა,

ხმით ცოდვილითა,

მათ ვაძლევ ბანსა, —

და მშვიდობასა,

აღტაცებასა

ჰგრძნობს ჩემი გული

და შევჭვრეტ ცასა

განცვიფრებული.

ციურნო ხმებო,

ოჰ, საკვირვლებო!

27 მარტი, 1859 წ.

პეტერბურგი.

უკან დაბრუნება

(ილია ჭავჭავაძის შემოქმედება)

Facebook

ჭავჭავაძე ილია - Chavchavadze Ilia

დატოვეთ კომენტარი