ჭავჭავაძე ილია - Chavchavadze Ilia

👍 6.5

👎 -3.5

⏱️ 1 წთ. 👁️ 4 156

100%

ხმა გულისა

ჩუმ მაღნარშია წამოწოლილი

ვიყავ, ზედ მედგა ხის უხვი ჩრდილი,

და საიდღამაც ნაზი ბულბული

სტვენდა სიყვარულს გაგიჟებული.

დიდხანს და დიდხანს ვუგდებდი მე ყურს

იმ ხმას საკვირველს, იმ ხმასა გრძნეულს;

ვგრძნობდი ჩემ სულის მშვიდ აღმაფრენას

და გულის ჩემის სულ სხვა-რიგ ცემას.

დიდხანს ვატარე, დავღალე თვალი,

ვერსად ვერ ვპოვე ის მომღერალი;

თურმე, ჩემს გულში ნაზი ბულბული

სტვენდა სიყვარულს გაგიჟებული.

11 იანვარი, 1859 წ.

პეტერბურგი.

უკან დაბრუნება

(ილია ჭავჭავაძის შემოქმედება)

Facebook

ჭავჭავაძე ილია - Chavchavadze Ilia

დატოვეთ კომენტარი