ნინო მაჭავარიანი - გაზაფხულის მანდილს შემოვიხვევ მკერდზე



გაზაფხულის მანდილს შემოვიხვევ მკერდზე.
იასამნის ფიქრებს შემიმოსავს ქარი.
აპრილისფერ გრძნობით, მძივს ავასხამ ცრემლზე.
გულწრფელ ამბორს გიძღვნით სიყვარულით მთვრალი.
შეარხია ნამმა ოცნებების ტოტი...
სურნელებამ სითბო დამახვედრა კართან...
აირია დარი ... დააყენა შფოთი...
ლოდინს აპრილური ოცნებები ახლდა.
გაზაფხულდა, ხეთა-შემეყარა გრძნობა...
გულმა იასამნებს გაუმხილა ფიქრი.
მომენატრა სულთან ყვავილების თოვა...
გადავფურცლე ისევ სიყვარულის წიგნი.

ავტორი: ნინო მაჭავარიანი



Loading...

ტექსტის სანახავად გაიარეთ რეგისტრაცია.