ნანა სელეპანოვა - ჩემგან სახსოვრად




მე წუთისოფლის პარმაღზე ვდგავარ,
ვდგავარ და მალვით შენ თვალს გადევნებ...
შენ მიდიოდი ფარული სევდით,
იმედის სიტყვაც ვერ დაგადევნე!

მერე დადუმდა ერთდროულად ფიქრი და განცდა
და მძლივს მოვთოკე ჟინი ჩემი დაუცხრომელი,
ვერ შეგაჩერე ვეღარაფრით, არ მეყო ძალა
და მიტოვებულ სიყვარულის გავხდი მგლოველი!

მე შენი წასვლის იმ ერთ ნაბიჯს შევაჩვენებდი,
მერე კი კრძალვით შენს ნაფეხურს ხელი შევახე,
მე ნაფეხურებს მოვყვებოდი შიშით და მალვით,
რომ კიდევ ერთხელ, თუნდაც ერთხელ, მაინც მენახე!

მაგრამ შენ ახლა ისე შორს ხარ, მიუწვდომელი
და შენს ფიქრებში სხვა დაფრინავს, მე არც გახსოვარ!
მეც გავფრინდები, გადავლახავ უსაზღვრო საზღვარს...
და ეს სიტყვები დაგრჩეს მხოლოდ, ჩემგან სახსოვრად!



Loading...


თეგები: ჩემგან სახსოვრად

ტექსტის სანახავად გაიარეთ რეგისტრაცია.