ნანა სელეპანოვა - მერე რაა,რომ...



მერე რაა, რომ მე და შენ
სხვადასხვა ქალაქებში ვართ,
თუ სიყვარულის ზედაშემ,
უკვე გულები დაგვიწვა.

მერე რაა,რომ ვერ მხედავ,
ჩვენ რას დაგვაკლებს სიშორე,
ფიქრებში გვერდით გიდგევარ,
გულიდან ვერ მომიშორებ.




მერე რაა,რომ სიზმრები
არ ხდება,როგორც ვიხილეთ,
მაინც მე შენზე ვგიჟდები,
შენ ჩემზე, როცა მიხილე.

მერე რაა,რომ ცრემლები
გვისველებს ზოგჯერ წამწამებს,
დღეს თუ წვიმაში ვსველდებით,
ხვალ მზე აგვიწვავს ამ ღაწვებს.

მერე რაა,რომ დრო მიჰქრის,
თმას შეპარვია ჭაღარა,
როდის ყოფილა მზის შიშით,
მთვარემ დღე - ღამე გაჰყარა.

მერე რაა,რომ სარკმლიდან
სხვადასხვა ქალაქები ჩანს,
მე შენი ბედისწერა ვარ,
შენ ჩემი სიყვარული გკლავს.



Loading...


თეგები: მერე რაა

ტექსტის სანახავად გაიარეთ რეგისტრაცია.