შემოდგომაა. წვიმამ მოლია
ტყეთა მსუბუქი მელანქოლია.
ზაფხულის დღეთა ის ქაფი ქრება,
არის ცეცხლის ხმა და ჩაფიქრება...
იშლება თვალწინ ფერადი ნოხი -
თქვენთა მშვენიერთ წამწამთა ქოხი.
იმ დარდად ჩემს გულს ხშირად სწოლია
ტყეთა მსუბუქი მელანქოლია.
არ გებრალებით? მე მქონდა გული, -
ახლა ის არის, როგორც ყინული.
თქვენ კი ჯერ ისევ მაისს ედრებით,
მომწერეთ რამე; ოჰ, გევედრებით!
ვინ იცის, იქნებ გალხვეს ყინული
ღრმა მწუხარებით შემორკინული.
1915.
ტყეთა მსუბუქი მელანქოლია.
ზაფხულის დღეთა ის ქაფი ქრება,
არის ცეცხლის ხმა და ჩაფიქრება...
იშლება თვალწინ ფერადი ნოხი -
თქვენთა მშვენიერთ წამწამთა ქოხი.
იმ დარდად ჩემს გულს ხშირად სწოლია
ტყეთა მსუბუქი მელანქოლია.
არ გებრალებით? მე მქონდა გული, -
ახლა ის არის, როგორც ყინული.
თქვენ კი ჯერ ისევ მაისს ედრებით,
მომწერეთ რამე; ოჰ, გევედრებით!
ვინ იცის, იქნებ გალხვეს ყინული
ღრმა მწუხარებით შემორკინული.
1915.
