ენვერ სალაყაია - უსიერ ტყეში ხეტიალი უფრო მიზიდავს



უსიერ ტყეში ხეტიალი უფრო მიზიდავს,
ვიდრე გაკვალულ ბილიკებზე ვარდი მაყაროთ,
სხვისგან გათელილ შარა-გზაზე რა დამრჩენია,
მე თუ ვერ ვპოვე მზით გამთბარი ჩემი სამყარო.
ყველას თავისი არჩევანი აქვს ცხოვრებაში,
ყველა ნაფეხურს ქვეყნად გულის სითბო ატყვია,
ან ვიღა მოშლის პოეზიის ცრემლს და სიხარულს,
თუ ხელოვნება პოეტური სულის ხატია.
უსიერ ტყეში ხეტიალი უფრო მიზიდავს,
ვიდრე გაკვალულ ბილიკებზე ვარდი მაყაროთ,
რადგანაც გულში პოეტური ცეცხლი მინთია
მეც გულის ცეცხლით ვეფერები დედა-სამყაროს.












Loading...

ტექსტის სანახავად გაიარეთ რეგისტრაცია.