შენი სიყვარულით იას ვუმღერივარ



შენი სიყვარულით იას ვუმღერივარ,
შენი სიყვარულით ბალახს ვეფერები,
შენ თუ გეფერები ამას ის ეშხი აქვს,
რომ მე შენთან ერთად ღმერთსაც ვეფერები.
აჰა,მწვერვალებზე გზები გადარბიან,
ვარდი მაფშალიას სულში იხედება,
ჩემი აღმაფრენა მე თუ არ გიმღერე,
აბა,ჩემს მაგივრად სხვა ვინ გიმღერებდა?
სწორედ მაშინ მოკვდეს კაცი მომღერალი,
თუ კი თავის ძალა ხმას არ შეალია,
ქვეყნად არ არსებობს არასამღერალი,
ჩემთვის ყველა მაღლობს ერთი მწვერვალი
აქვს.
ჩიტის დანახვას რომ მოაქვს სიხარული,
განა ამ მადლისგან გული დაიხსნება?
ყველა ქვეყნის გზები რომს თუ გაივლიან,
ყველა სიყვარული ცეცხლით აიხსნება.
შენი სიყვარულით ვარსკვლავს ვუმღერივარ,
შენი სიყვარულით ბალახს ვეფერები,
შენ თუ გეფერები ამას ის ეშხი აქვს,
რომ მე შენთან ერთად ღმერთსაც ვეფერები












Loading...

ტექსტის სანახავად გაიარეთ რეგისტრაცია.