ბედო,აღმაფრენით ცამდე ამამაღლე,
ქალის უნაზესი გული დამიმონე.
ჩემთან მორკინალი ყველა ბუმბერაზი
დამაძლევინე და სევდით დამიღონე.
ბედო,ვარსკვლავების შუქით გამინათე
გზა და ბილიკები ჩემი საჯირითო,
მომეც მხნეობა და სულის სიძლიერე,
ზურგზე პრომეთევსის ცეცხლი ავიტვირთო.
რამდენ უაზრობას ბედო გევედრები,
ალბათ მაქილიკებ,ალბათ გეცინება,
მე თუ მუხლს მოგიხრი,ეშმას წავუღივარ,
მე არ გავურბივარ შენთან შერკინებას.
ენვერ სალაყაია - აღმაფრენით ცამდე ამამაღლე ...
