გუშინ თოვდა, დღეს წვიმაა



გუშინ თოვდა,დღეს წვიმაა,
როდის გამოიდარებს?
ვარ ოთახში ჩაკეტილი
და ვაბოლებ სიგარეტს.
მენატრება შენი ნახვა,
შენთან გასაუბრება,
როცა შორს გყავს გულის სწორი,
რაა თავისუფლება?
დღეს,დილიდან, ვრეკავ შენთან,
ყურმილს არვინ არ იღებს
და ჩემს გულში მაჯლაჯუნა
დარდი შემოაბიჯებს.
გუშინ თოვდა,დღეს წვიმაა,
როდის გამოიდარებს?
ბოლთას ვცემ და ვეწევი
სიგარეტზე-სიგარეტს.



ენვერ სალაყაია




Loading...

ტექსტის სანახავად გაიარეთ რეგისტრაცია.