ნოდარ დუმბაძე - მუხა

nodar dumbadze muxa dumbadze nodar sabavshvo leqsi leqsebi bavshvebistvis leqsebi patarebistvis
იმ უღრან ტყეში გამვლელი თუ ხარ
და ყურს თუ უგდებ ხეთა კაეშანს,
ნახავ დიდ მუხას, ასწლოვან მუხას,
ტახის ნაეშვარს.
იმ უღრან ტყეში გამვლელი თუ ხარ,
ნახავ, ტოტები რა ძირს დაეშვა,
უყურებ მუხას,
უყურებ, სწუხხარ...
უყურებ დიდხანს, ვით ცხოვრებას
შენსას ნაეშვარს.
იმ უღრან ტყეში გამვლელი თუ ხარ
და თუ ოცნების აფრა დაგეხა,
თავს შეადარებ ნაეშვარ მუხას,
მუხას,
ნამეხარს