ნოდარ დუმბაძე - ვაი დედასა! (საბავშვო ლექსი)

nodar dumbadze vai dedasa dumbadze nodar sabavshvo leqsi leqsebi bavshvebistvis leqsebi patarebistvis
ტყეში გაისმა კიკინი,
შეიძრა მთები სურების,
კუჭგამომხმარმა ტურებმა
გამოიფხიკეს ყურები.
სოროებიდან გამოძვრნენ,
აუბაგუნდათ გულები,
გაიხედ-გამოიხედეს,
დაზვერეს გზები ურები.
უცებ წააწყდნენ ბეკეკას,
დრო აღარ იყო ყურების,
თონეში ცეცხლი ჩაანთეს,
დააცხვეს დედას პურები,
მოიპატიჟეს სტუმრები,
მოხადეს სავსე ჭურები.
ვაი დედასა! სად იყვნენ
ბროლიები და მურები