ნოდარ დუმბაძე - საწყალი ბაბუა ( საბავშვო ლექსი )

nodar dumbadze sawyali babua dumbadze nodar sabavshvo leqsi leqsebi bavshvebistvis leqsebi patarebistvis
ჩემი საწყალი ბაბუა
უწყინარია, კეთილი,
დღედაღამ ჩაფიქრებული,
ოთახში გამოკეტილი.
ვთხოვ: - ბაბუ, ტყეში წავიდეთ,
დავკრიფოთ კახამბალია...
- ჩუმად, სულელო, ხომ ხედავ,
რომანს წერს, არა სცალია.
- ბაბუ, კუს ტბაზე წავიდეთ
ანდა კინოში წამოდი...
- აცალე, ბიჭო, ხომ ხედავ,
ხვალ მოხსენებით გამოდის.
- ჩუმად, ლექსებს წერს ბაბუა,
ჩამჩურჩულებენ ყველანი.
ჩემთვის როდისღა მოიცლის,
ღმერთო, დაუშრე მელანი.