ნოდარ დუმბაძე - ფისო ( საბავშვო ლექსი )

nodar dumbadze fiso dumbadze nodar sabavshvo leqsi leqsebi bavshvebistvis leqsebi patarebistvis
ფისუნია, ფისო,
არვინ გაჭმევს ტკბილსო,
ცალი თვალი ნუშს მიგიგავს,
ცალი _ მწვანე ღილსო.
დედა ამბობს: _ წუწკიაო,
ბებო ამბობს: _ მღლისო,
ბაბუ ამბობს: _ მთელი ღამე
თაგვი შაქარს ღრღნისო,
ეს ყურსაც არ აპარტყუნებს
თავს ვერ ართმევს ძილსო,
მაქნისია რისო,
მარტო კნუტებს ყრისო.
ჩემზეც ასე არ ამბობენ?..
ფისო, რა გიკვირსო?!