ბექა ხერგიანი - ზამთრის მიწურულს



ჰაეროვანი გაქრა გრაცია...
ქარი ტოტივით მოგტეხავს გამხმარს.
გაზაფხული კი ისე გაცვია,
თითქოს საზამთროდ შემოგინახავს.

თოვლივით დნება ფაფუკი ხიბლი,
შენ კი გწადია კვლავ ნორჩი გერქვას.
შენ დაგეძებდა: გაზაფხულს ირგვლივ,
ზამთრის ფუტკარი – მაისის ნექტარს.

ახლა კი დნები – ხმელ ტოტზე თრთოლვით,
– როგორ გაშინებს ცივი სისველე...
გცვივა ცრემლები შეცვლილი ფორმით,
გცვივა და სევდას გინაცრისფერებს.

ჰაეროვანი გაქრა გრაცია...












Loading...

ტექსტის სანახავად გაიარეთ რეგისტრაცია.