ნუ დაიჯერებთ



ნუ დაიჯერებთ

(nu daijerebt)


ნუ დაიჯერებთ, გაზაფხული მოვიდა თითქოს,
ან რას უყურებთ კალენდარზე რომელი თვეა?
თუკი შენს გულში სუსხიანი ზამთარი მეფობს,
თუკი თვალებში ცრემლიანი თებერვლის დღეა,
მაშ, რა აზრია აქვს კალენდარზე რომელი თვეა...
გაზაფხულს მაშინ შეუძლია იძალოს მხოლოდ,
როცა შენს სულში დაამარცხებ იანვრის თოვას,
როცა თებერვლის ქარიშხლისგან გადაღლილ სხეულს
კვლავ დაუამებ ენძელების ლოცვებით ცოდვას.
როცა თვალებში აიყვავებ ლურჯთვალა იებს
და გაღიმებით ძალას მისცემ აპრილის სუნთქვას,
შეძლებ და სულშიც აიყვავებ მაისის ვარდებს,
მხოლოდ მაშინ თქვი: გაზაფხულმა დაღალა თოვა.
მერე კი შეძლებ, გაიგონო ჭიკჭიკი მერცხლის...
მე სწორედ ასე ველოდები სულის გაზაფხულს...
თქვენთვის მარტია, ჩემში ისევ თებერვლის გლოვა.
ჩემმა აპრილმა იქნებ ახლაც არ მიმატოვოს,
შევძლოთ და ერთად დავამარცხოთ ეს ზამთრის ცოდვა...
მეც ჩემს გაზაფხულს ველოდები



Loading...

ტექსტის სანახავად გაიარეთ რეგისტრაცია.