ლია ფანჩულიძე - ისევ დავლევ

"ჩვენისთანა ბედნიერი,
არის სადმე განა ერი?"

გაუმარჯოს იმიერს და ამიერს.
ქართველი ბედნიერი ერია.
გაუმარჯოს დროსტარებას და ქეიფს.
შენს ქუჩებში ძმაბიჭები მღერიან.

თუ დავთვრები, არ დამძრახოთ,ამას გთხოვთ.
ნუ მომაყრით წყევლასა და ქოქოლას.
სიყვარულმა დამიბრმავა თვალები.
ნუ დამიწყებთ აქ ამბების მოყოლას.

დამიყვავეთ, მომეფერეთ ამას გთხოვთ.
გლოცავთ გულით,სიტყვებით და ბაგებით.
მიყვარს ქეიფი და ღვინის სმა.
გთხოვთ ჩემს ქცევას მოეკიდოთ გაგებით.

ძმებთან მივალ, ჭიქას მივუჭახუნებ.
თუ მათ შორის ერთი მთვრალიც ერია.
ისევ დავლევ, სიმღერესაც დავსჭექავ,
ვინც ღვინოს სვამს ყველა ბედნიერია.

საქეიფოდ დავპატიჟებ ყველა მსმელს.
გრძნობა დამწვავს როგორც ცეცხლი ბრიალა.
ყანწს გამოვცლი. ისევ დავლევ ბოლომდე.
თუ თამადამ თვალი დამიბრიალა.

თუ ქეიფი ძლიერ გახურდა,
იმართება მაშინ დიმპიტოური.
ვაზის ჯიშში პირველია იცოდეთ,
იმერეთში ციცქა ცოლიკოური.

ქეიფს მარტო ღვინო როდი უხდება,
აქ რიგ-რიგად შიშხინებენ მწვადები.
სანაძლეოს დებენ ლოთი ბიჭები.
აქ, ძმაბიჭებთან ვალებში ვარდები.

ჩამოასხით! - გულს ქეიფი სწყურია! -...
დაუკარით! - "თვალი თვალის მტერია!" -....
გაუმარჯოს საქართველოს მომავალს
ქართველი ბედნიერი ერია.

ლია ფანჩულიძე