ქეთი ალასანია - არ ღირს ცხოვრება დარდად და ფიქრებად

არ ღირს ცხოვრება დარდად და ფიქრებად,
განთიადს სიცოცხლის ცრემლები დასცვივდა,
თოვლის ქვეშ იები მაინც ხომ ყვავიან,
სული სიყვარულზე ოცნებით გაგიჟდა,
შემოდგომაა და ცივი ქარი ქრის,
ცხოვრება გრძელდება, ლოდინი არ მინდა,
გულში გადამალულ მზეს არ ეტირება
და ამით, ჩემი გზა, საოცრად გაბრწყინდა,
მე მწვერვალებიდან იმედებს ვიტაცებ,
შეშლილი ქარივით სიმშვიდე არ მინდა,
სანამ ცოცხალი ვარ, მინდა დავიხარჯო,
მერე რა, უეცრად, ისევ თუ გაწვიმდა,
მე ჩემი სიცოცხლე იმედით ავავსე,
სულში კი მაისის მზის სხივი გაბრწყინდა...

11.11.14.

ქეთი ალასანია