ნანა მეტრეველი – მადლობა შენდა



მადლობა შენდა, უფალო ჩემო,
ერთი ცოდვილი რომ შემიყვარე,
ცრემლებისთვისაც მადლობას გიხდი,
სინანულისთვის რაც კი დავღვარე.

დარიგებისთვის,როგორ ვიცხოვრო,
და როგორ ვზიდო ჯვარი მამაო,
რამდენჯერ წყლულზე წამლად დამედე,,
არასდროს მტოვებ, ღმერთო მაღალო.

შვილ-შვილიშვილთა სიცოცხლისათვის,
მათი თავი რომ მაჩუქე ღმერთო,
ო, დიდებულო, მე ერთ-ერთ ცოდვილს,
ერთად რამდენი სიკეთე მერგო.

მადლობა,სითბო-სიყვარულისთვის,
რაც მიმიღია,თუ გამიცია,
საქართველოსთვის, ქართველობისთვის,
ყველა სანთლისთვის, რაც დამინთია.

ყველაფრისათვის,რაც მწამს და მიყვარს,
გულწრფელ სიყვარულს დავარქმევ რასაც,
და უნარისთვის, დარდი გავლექსო,
ვუმღერო მშობელ მიწას და ცასა.

მადლობა შენდა უფალო ჩემო,
მზის სინათლისთვის, და ცის ნამისთვის,
ჩემი სიცოცხლის გაგრძელებისთვის,
და სიხარულის ყველა წამისთვის.

ნანა მეტრეველი



Loading...

ტექსტის სანახავად გაიარეთ რეგისტრაცია.