დედის ხელები
უცებ, დამფრთხალი მზერა გადატყდა
ხელზე შეკრებილ ნაოჭთა ხრამში,
ყოველ ღარაზე თითო ვარამად
მთელი ცხოვრება აფეთქდა წამში.
დარდი ცრემლად და ცრემლი ტკივილად
გადახლართულა ერთი მეორეს.
მოსიყვარულე მზერა აქ ხელად
ტანჯულ ცხოვრებას გაიმეორებს!…
ფუსფუსებს მუდამ, მადლს ტოვებს ქვებზეც,
არ სურს უეცრად, რომ დარჩეს ვალში!
განვლილ ცხოვრებას დახედეთ ხელზეც,
ნუ ეძებთ მხოლოდ გულში და თვალში…
მელი თურმანიძე
უცებ, დამფრთხალი მზერა გადატყდა
ხელზე შეკრებილ ნაოჭთა ხრამში,
ყოველ ღარაზე თითო ვარამად
მთელი ცხოვრება აფეთქდა წამში.
დარდი ცრემლად და ცრემლი ტკივილად
გადახლართულა ერთი მეორეს.
მოსიყვარულე მზერა აქ ხელად
ტანჯულ ცხოვრებას გაიმეორებს!…
ფუსფუსებს მუდამ, მადლს ტოვებს ქვებზეც,
არ სურს უეცრად, რომ დარჩეს ვალში!
განვლილ ცხოვრებას დახედეთ ხელზეც,
ნუ ეძებთ მხოლოდ გულში და თვალში…
მელი თურმანიძე
