სამყაროს ერთი ნამცეცი

სამყაროს ერთი ნამცეცი, იოტისოდენა წილი,
სულის მტკაველი ნაგლეჯი, ადამიანი ცვილი.
იწვის და დნება ცხოვრება, წამში გარბიან წლები,
და რჩება მხოლოდ ნათება, უკიდეგანო ბნელის.

როგორც პატარა ალი, წამად იელვებს ცაზე,
ღელავს და იწვის ცხოვრება და გვეღვენთება თავზე.
დარჩება მხოლოდ სითბო, მხოლოდ ელვარე მზერა,
მხოლოდ სიცოცხლის ჰანგი და გახსენების ბგერა

თემურ ზაქრაძე