ცხოვრებას დიდი სამსჯავრო ჰქვია

ზოგსა ჰგონია რომ ეს ცხოვრება,
მისთვის ყოველთვის ღია ფერია,
უსიყვარულოდ ხალხო მერწმუნეთ
ჩვენი ცხოვრება არაფერია.
თუმც სიყვარული ვერ გაუგიათ,
მხოლოდ იციან სიტყვა ელვარე!
ბევრს ვაკვირდები ამ ქვეყანაზე
და ეჭვი გულში არის მღელვარე.
სულ ვუკვირდები ხალხის ცხოვრებას,
და ფიქრმა ლამის სანთლად დამღვენთოს,
ვაი თუ ვინმეს მართლა ვუყვარდე
ლექსის კითხვის დროს წამომაყვედროს.
რომ ეს ცხოვრება მძიმე და ძნელი,
საიდუმლოა ბევრისთვის ჯერაც,
რომ დავიჯერო ისეთი ცრემლი
რომელის ქვეყნად არავის ჯერა.
ცხოვრებას დიდი სამსჯავრო ჰქვია,
თვით სიყვარულსაც ბევრი უცდია,
რას წარმოადგენს ადამიანი
ვისაც ეს გრძნობა არ განუცდია.
ნდობას სიყვარულს ვერ ამართლებენ,
ნუთუ ვერ გრძნობენ გულისა დარდებს,
ყველას ფიქრებით ვარ შემოსილი
ლამის ეს გული ამომივარდეს.
ნუთუ შესძინა ამ ლექსმა ყველას,
სიყვარული და გულს სილამაზე,
ცხოვრებას დიდი სამსჯავრო ჰქვია
ცხოვრებას ხალხმაუწოდა ასე.

ნოდარ დემეტრაშვილი