შენთვის სამყარო შევქმენი ჩემში



შენთვის სამყარო შევქმენი ჩემში
ულამაზესი ჩემო გულისთქმავ
მინდა ჩამხედო სულის სარკეში
უკანასკნელი ამოსუნთქვისას...
იქ ცისფერია ყველა ყვავილი
და ყოველდილით გიკრიფავ ღიმილს
ბედნიერება ზღვებად გაშლილი
მავიწყებს, სულაც დარდსა და ტკივილს
ვესაუბრები მზეს და ბალახებს
დავფრინავ უკვე ღრუბლის აფრებით
და იცი ახლა რა გამახარებს?
ჩემს ცას ხედავდე შენი თვალებით.
სიყვარული ხომ სულის ექოა
თავისუფლების ლურჯი ფრინველი
ფიქრების ბუდე, ჩემი წეროა
და ჯადოსნური ღამის სიტყვები....
გარშემო ვუვლი ამ ჩემს სამყაროს
შენთვის ვინახავ ხელშეუხებელს
ჰოი,ეშმაკმა მაშინ დამლახვროს
უშენოდ ბუხარს თუ შევუკეთე...
მთვარის ნატეხზე ვარსკვლავს ჩამოვკრავ
როგორც კვესი და როგორც აბედი,,
მერე ალერსის ენით დაგლოცავ
მიყვარხარ,რავქნა ვიყო თავხედი...
ფარდოდ გავაღებ ყველა დარაბას
გადავიგრიხავ ღამეს მკლავებზე
და ჩამოვკიდებ ყველა ბარაბას
ჩვენი სამყაროს ერდოს კარებზე
შენთვის სამყარო შევქმენი ჩემში
ულამაზესი ჩემო გულისთქმავ
მინდა ჩამხედო სულის სარკეში
უკანასკნელი ამოსუნთქვისას...

ბადიშ ხურსილი



Loading...

ტექსტის სანახავად გაიარეთ რეგისტრაცია.