ფიქრები დედამიწას აწვიმს



ფიქრები დედამიწას აწვიმს,
გრძნობები ზამბახებზე რჩება,
სიზმრები სიცხადეს ერჩის
სამყაროც მცნებებივით ტყდება...
ისევ ახლოა ჩემთვის,
სიწითლეს- შენი გულის- ვხედავ.
ცრემლები მაშინებს ღმერთის,
ზამბახებს სისხლისფერში ვძერწავ...
უფლება უფლებებს ბადებს
და ცის ქვეყანაში ადის,
წამები საათებს აცდენს
ოხ, ეს ცდუნებები დარდის...
ცოდვა ნაცრისფერი ხდება
მიწას ნაცარიღა აწვიმს,
ყველა ჟანგისფერი ხდება
და ეს ჟანგისფერი გაგვღრწნის!..

დავით ოჩიაური



Loading...

ტექსტის სანახავად გაიარეთ რეგისტრაცია.