გაცვდა სურნელის სიმძაფრე,
ფიქრმა ღრუბლებში იფრინა;
რაც რომ სიცოცხლეს მიხარებს,
ის მაახლოვებს სიკვდილთან.
რაც რომ მარჯვენამ შემძინა,
უგუნურებამ წალეკა.
ამაოება მემძიმა,
ცელი ვაგემე ნარ-ეკალს.
რაც რომ სიზმარში ვიხილე,
ცხადში შეფარვით ამიხდა.
ვერ ვითავისე სიფრთხილე,
ვჩირკნი მომავლის ხარიხას.
ჩაცხრა სურნელის სიმძაფრე,
სულმა ზეობა იტვირთა.
რაც რომ სიცოცხლეს მიხარებს,
ის მაახლოვებს სიკვდილთან.
რაც რომ სიცოცხლეს მიხარებს
