პირველ ენძელას ამოსულს ველად

პირველ ენძელას ამოსულს ველად,
ბავშვივით შემკრთალს პირველ ქუხილზე,
მაისი დილას გამთბარს უხვი მზით,
ჩემი სალამი ყველაფერს პირველს.

პირველთოვლობას და პირველ წვიმებს
და ჩვილის პირველ უცოდველ ღიმილს
დამშრალ სურვილებს, დაშრეტილ იმედს,
რომელიც მაინც ბჯუტავს და ღვივის.

ვისაც უყვარს და ვერაფრით უთქვამს,
უფლება არ აქვს და მაინც უყვარს,
ყვავილზე დამკვდარ ზუზუნა ფუტკარს
და დედულეთის ჭვარტლიან ბუხარს.

კაცისთვის ნასროლ აცდენილ ტყვიას,
ჩიტისთვის ნასროლ აცდენილშურდულს...
და პირველ კოცნას მწველსა და ქურდულს,
ყველაფერს რასაც ლამაზი ჰქვია,
რასაც სითბო და სიწმინდე შვენის.......
თაყვანი ჩემი!!!