ყოველთვის შორი იყავი თითქოს

თურმე ტყუილად დავაპე შეშა,
თურმე ტყუილად დავანთე ცეცხლი -
აუხდენელი ოცნება შემრჩა,
როგორც ძველ ბუდეს - ბუმბული მერცხლის.

როგორც მოვიდა, ისევე წავა,
უცაბედია წვიმაც და ქარიც.
ისევე წავა... თითქოს მახსენებს
შენს წასვლას - ჩუმად ჭრიალებს კარი...

და იკლაკნება ბუხარში ბოლი,
თითქოს იხრჩობა და შველას ითხოვს...
ჯერ არ ყოფილხარ შენ ასე შორი...
ყოველთვის შორი იყავი თითქოს