ნოემბერია ...

noemberia mze fotliscvena
ნოემბერია...
გაუფერულდა ბაღში ხის სკამზე
მზის ბოლო სხივი,
ნოემბერია,
ფოთოლცვენა მაფორიაქებს.
კისერში მიჭერს მომავალი ზამთრების ჭირხლი
და ისტერია
გულუბრყვილო ბავშვური შიში
შენი დაკარგვის
ჩემთან ერთად დაბორიალობს
ქალაქში, სადაც ოცნებები გაუფერულდნენ...
ნოემბერია
და შორიახლო დამსდევს ჩრდილი -
ჩემი წარსული,
ჩართულია ყველა წამზომი,
დრო ჩამალული მტაცებელი
ნაბიჯებს მითვლის
და ზომავს ნახტომს -
ტრაექტორიას
მომავალს და მომავალს იქით...
არაფერია?...