რთულ განტოლებად ხედავ საქციელს ?

rtul gantolebad xedav saqciels leqsebi siyvarulze sasiyvarulo leqsebi leqsi cxovrebaze cxovrebiseuli leqsi
რა სათნო რითმით ზოგი ღაღადებს,

მოგხიბლავს სტრიქონთა ზღვა-ჰარმონია.

ემოციებმა შენც რომ დაგდაღეს,

თითქოს ოდესღაც გადაგხდომია.

კითხულობ და გრძნობ ფიქრთ-მოზღვავებას,

თითქოს იგრძენი ფიქრი ”პოეტის”.

გახვალ და გსაცემ შენც მოწყალებას

ვინც მოწყალებას შენგან მოელის.

გახვალ, იხილავ პოეტს ხორციელს,

რომ კითხულობდი მის აზრთა რითმებს.

რთულ განტოლებად ხედავ საქციელს,

და რეალობის იქს ალგორითმებს.

რა ამაოა... თითქოს მითივით

ხელათ იმსხვრევა პოეტის სახე.

და მაღლა იწევს შუა თითივით,

ზიზღი რომელიც შენ მასში ნახე.