ჭაობები - Chaobebi



smile
წყლის ობობა წყალქვეშ ცხოვრობს, მაგრამ სასუნთქი ჰაერი სჭირდება. ამიტომ ის აბრეშუმის გუმბათს აგებს, წყალქვეშა მცენარეზე ამაგრებს და ჰაერის ბუშტებით ავსებს. როცა ჰაერის ან საკვების მოპოვება უნდა, ობობა გუმბათიდან გამოდის, თუმცა ‘‘სადილს’’ ყოველთვის შინ მიირთმევს. კოღოს მატლიც ჰაერში შემავალ ჟანგბადს სუნთქავს და ამისთვის მუცელზე ამოსულ ‘‘სასუნთქ მილაკს’’ იყენებს.მანგროს ჭაობიანი ტყეებში ხეების ფესვების ნაწილი ჰაერშია ამოშვერილი და ჟანგბადს შეიწოვს. თევზებსა და თავკომბალებს ლაყუჩები აქვთ, რომელებითაც ჟანგბადს უშუალოდ წყლიდან იღებენ, ხოლო წყლის მცენარეები მთელი თავიანთი ზედაპირით იღებენ ჟანგბადს წყლიდან. მდინარეების მოძრავ წყალში მეტი ჟანგბადია, ვიდრე ტბებისა და ჭაობების უძრავ წყალში.
smile
ჭაობის მცენარეები
წყალი უფრო ძლიერი საყრდენია, ვიდრე ჰაერი, ამიტომ წყლის მცენარეებს ძლიერი ფესვები და ღეროები არ სჭირდებათ. ძალიან ბევრი წყლის მცენარე ზედაპირზე ტივტივებს, რათა ახლოს იყოს სინათლესთან, რომელიც საკვების დასამზადებლად სჭირდება. ამას გარდა, ზოგი მცენარე წყალს საკუთარი მტვრისა და თესლის გასავრცელებლადაც იყენებს. ხშირად ჭაობიანი ნიადაგი ზოგიერთი მცენარეული საკვები ნივთიერების ნაკლებობას განიცდის. უჩვეულო ხორცისმჭამელი მცენარეები, მაგალითად, ვენერას ბუზიჭერია, მწერებსა და სხვა მცირე ცხოველებს იჭერს და მათი გადამუშავების შედეგად იმ საკვებ ნივთიერებებს იღებს, რომლებიც ჭაობოან ნიადაგს აკლია.
smile
მნიშვნელოვანი ჭაობები
ჭაობებში ბევრი ცხოველი და ფრინველი მრავლდება, ვინაიდან იქ ბევრი საკვები და თავშესაფარია. ამას გარდა, ფრინველები ჭაობებში ხანგრძლივი გადაფრენის დროსაც ეშვებიან დასასვენებლად თუ საკვების მოსაპოვებლად. ჭაობები იცავს იცავს გარშემო მდებარე მშრალ ადგილებს ქარიშხლებისა და წყალდიდობებისაგან, ვინაიდან მთლიანად შეიწოვს ჭარბ წყალს. ტორფის ჭაობები ისეთი ადგილებია, სადაც ტონობით ნახშირბადია დაგროვილი, ვიანაიდან ის ლპობას გადარჩენილი მცენარეების სხეულების მრავალი ფენისაგან შედგება. ტორფის გათხრა და იქიდან ნახშიროჟაგის გამოთავისუფლება გლობალური დათბობის აჩქარებას იწვევს.



Loading...

ტექსტის სანახავად გაიარეთ რეგისტრაცია.