ლეოპარდისებრი ზვიგენი ანჩოუსებით იკვებება — მათ გუნდში ღია პირით შეცურვითა და დაცდით, სანამ ისინი შემთხვევით მასში არ შესცურავენ…
თევზები
აფროსანი თევზი მოკლე მანძილზე ცურვისას ზოგჯერ საათში 110 კილომეტრით გადაადგილდება, ისევე სწრაფად, როგორც ავაზა _ ხმელეთზე. ის, შესაძლოა, ყველაზე სწრაფი თევზია ზღვაში. გრძელი, კონუსისებრი, გარსშემოდენილი ფორმის სხეული და ძლიერი კუდის ფარფლი მას სწრაფ ცურვაში ეხმარება.
თევზები პირველი ხერხემლიანი ცხოველები იყვნენ დედამიწაზე. ისინი დაახლოებით 400 მილიონი წლის წინ გაჩნდნენ, დღეს კი მათი 25000–ზე მეტი სახეობა არსებობს.
ქერცლი და ლაყუჩები
თევზის სხეულის საყრდენი მისი ხერხემალია, გარედან კი მტკიცე, ხშირად სრიალა ქერცლი იცავს. თევზების უმეტესობას ლაყუჩები აქვს, რომლებითაც წყლიდან ჟანგბადს იღებს. თევზები ცივსისხლიანები არიან, რაც იმას ნიშნავს, რომ მათი სხეულის ტემპერატურა გარემოს ტემპერატურასთან ერთად იცვლება.
სხვადასხვა თევზები
დღესდღეობით თევზების 95% ზე მეტი ძვლიანი თევზებია. მათ აქვთ ყბები, ძვლებისგან შემდგარი ჩონჩხი და ჰაერით სავსე ე.წ. საცურავუ ბუშტი,რომელიც წყალში ტივტივსა და ყვინთვაში ეხმარება.
ხრტილოვან თევზებს, მაგალითად, ზვიგენებსა და გველთევზებს, ხრტილოვანი ჩონჩხები აქვთ. მათ არ გააჩნიათ საცურავი ბუშტი. არსებობს უჩვეულო თევზების ერთი ჯგუფიც, რომელშიც შედიან მიქსინები და სალამურა. მათ არც ყბები აქვთ, არც ქერცლი და არც წესიერი ლაყუჩები. ჩონჩხი ხრტილოვანია.
ძვლიანი თევზები წყალს ლაყუჩებით ტუმბავენ, რისთვისაც პირსა და სალაყუჩე სარქველს აღებენ და ხურავენ. ლაყუჩებს დიდი ზედაპირი აქვს, რათა წყალში შემავალი ჟანგბადი კარგად შთანთქას.
თევზის სასიცოცხლო ციკლი
თევზების უმეტესობა უამრავ წვრილ კვერცხს ანუ ქვირითს ყრის, თუმცა რამდენიმე თევზი, მათ შორის, ბევრი ზვიგენი, ნაშიერს თვითონ ბადებს. ქვირითის ერთი ნაწილი ზღვაში ტვიტივებს, მეორე ნაწილი კი მცენარეებსა და ქვებს ეკვრის. თევზების უმეტესობა ახალშობილებზე საერთოდ არ ზრუნავს.
ზვიგენი ერთადერთი წყლის ბინადარია,რომელიც ორივე თვალს ერთდროულად ახამხამებს.
დელფინებს ერთმანეთთან ”ლაპარაკი” შეუძლიათ.გარდა ამისა,სივრცული ორიენტაციისთვის ისინი ულტრაბგერითი სიხშირეების ცვალებადობას იყინებენ.ის სტვენის მსგავსი ხმები,რომლებსაც ადამიანები ისმენენ,დელფინების ”ჭორაობის” მხოლოდ უმცირესი ნაწილია.
როდესაც დელფინებს ძინავთ, მათ ერთი თვალი გახელილი აქვთ.
ყველაზე დიდი მდინარის თევზი არის ლოქო, რომლის წონა 400 გკ-ს აღწევს.
ყველაზე დიდი ზვიგენი – მისი წონაა 8 ტონა, სიგრძე 10 მეტრი.
ვეშაპის ენა სპილოს ზომისაა.
ზვიგენები ათჯერ უკეთესი მხედველობით გამოირჩევიან, ვიდრე ადამიანები, ამას გარდა, მათ სმენაც გენიალური აქვთ და ელექტრომაგნიტური ტალღების დაჭერაც შეუძლიათ.
ატლანტის ოკეანის ბინადარი თითოეული თევზის 5 მილიონი ქვირითისაგან 8-10 თევზი იჩეკება. ყველა ქვირითისაგან რომ თევზი გამოიჩეკოს, ოკეანე 6 წელიწადში თევზით გადაივსებოდა.
ახალშობილი ვეშაპი 24 საათში 200-300 ლიტრ რძეს სვამს, ეს კი 100-150 კილოგრამი კარაქია. 24 საათში 2-3 სმ-ით იზრდება და წონაში 100 კგ-მდე იმატებს.
დელფინები და კაშალოტები (და აგრეთვე სხვა მსგავსი ცხოველები) თევზებს დასაჭერად კი არ დასდევენ, არამედ უშვებენ სპეციალურ მაღალი სიხშირის ხმებს, რომლებიც პარალიზებას უკეთებენ თევზების გუნდს.
